Л.ЭНХ-АМГАЛАН: 2022 онд 113 цэцэрлэг, 176 сургууль, 121 дотуур байрыг нь ашиглалтад оруулахаар төлөвлөсөн

УИХ-ын чуулганы нэгдсэн хуралдаанаар Монгол Улсын хөгжлийн 2022 оны төлөвлөгөө батлах тухай” Улсын Их Хурлын тогтоолын төслийг хэлэлцэж байна. энэ үеэр БШУ-ны сайд Л.Энх-Амгалан мэдээлэл өглөө.

Тэрбээр "2024 он хүртэл 273 сургууль, 243 цэцэрлэг шинээр барина гэх тоо бий. Үүний 113 цэцэрлэг, 176 сургууль, 121 дотуур байрыг нь 2022 онд ашиглалтад оруулахаар төлөвлөсөн. Үүнд 83.2 тэрбум төгрөг төсөвлөөд буй. Энэ жилээс бид төсвийн шинэчлэлийн хүрээнд боловсролын салбарт шинэчлэл хийх хэрэгтэй гэж харж байна. Улаанбаатар хотод сурч байгаа 330 суманд байгаа хүүхдүүдийн тоо өдөр, шөнө шиг ялгаатай болсон байна. Жишээлбэл, 300 доош хүүхэдтэй 12 жилийн сургалттай сургууль 90 суманд байна. Сум дүүрэг болгонд 12 жилийн сургалттай сургууль байгуулаад байх шаардлагагүй. Цаашдаа Сангийн яам, Боловсролын яам хамтран сургуулийн хэв шинжийг тодорхойлох зайлшгүй шаардлага үүссэн байна. Нийслэлийн сургуулиудын ачааллыг шийдэхийн тулд цогцолбор сургууль байгуулах, бага болон дунд сургууль болгон зохион байгуулах нь илүү үр дүнтэй гэж харж байгаа" гэв.

offshore.mn

http://offshore.mn
© 2021 он. Энэхүү вэб хуудас нь зохиогчийн эрхийн хуулиар хамгаалагдсан.