Хоёр хоногийн дараа 40 мянган тун “Спутник V” вакцин татан авна

Монгол Улс 40 мянган тун “Спутник V” вакциныг энэ сарын 30-нд татан авахаар болжээ. Энэ нь "Монгол эм импекс" компанийн захиалсан вакцины хоёрдугаар ээлжийн нийлүүлэлт бөгөөд улсын захиалсан нэг сая тун "Спутник V" вакцин тавдугаар сарын дундуур ирнэ гэдгийг Эрүүл мэндийн сайд С.Энхболд мэдээлсэн. 

Түүнчлэн хувийн хэвшлийн оруулж ирсэн "Спутник V" вакцинаар 10 мянга гаруй иргэнийг дархлаажуулаад байгаа юм. Ташрамд дурдахад, манай улс "Астразенека", "Синофарм” компанийн "Вероселл", "Спутник V", Файзер зэрэг дөрвөн төрлийн вакцин хүлээн аваад байна. Тодруулбал,

Хоёрдугаар сарын 22-нд хүмүүнлэгийн шугамаар БНЭУ-ын Засгийн газраас  "Астразенека" вакцины 150 мянган тун,

Хоёрдугаар сарын 22-ны өдөр Хятадын Засгийн газраас хүмүүнлэгийн шугамаар  “Синофарм”-ын "Вероселл" вакцины 300 мянган тун,

Хоёрдугаар сарын 27-ны өдөр арилжааны шугамаар ОХУ-аас  "Спутник V" вакцины 10 мянган тун,

Гуравдугаар сарын 12-ны өдөр олон улсын вакцин хангамжийн “Ковакс” хөтөлбөрийн шугамаар “Астразенека” вакцины 14.400 тун,

Гуравдугаар сарын 24-ний өдөр уг хөтөлбөрийн шугамаар “Файзер” вакцины 25.740 тун,

Дөрөвдүгээр сарын 2-ны өдөр "Вероселл" вакцины 300 мянган тунг арилжааны шугамаар,

Дөрөвдүгээр сарын 21-нд “Ковакс” хөтөлбөрийн хүрээнд "Астразенека"-гийн вакцины 50.400 тун,

Дөрөвдүгээр сарын 22-нд БНХАУ-аас нийт 600 мянган тун “Вероселл” вакциныг тус тус хүлээн авсан юм.

offshore.mn

http://offshore.mn
© 2021 он. Энэхүү вэб хуудас нь зохиогчийн эрхийн хуулиар хамгаалагдсан.